• 89.47
  • 96.56
  • 0.97

2017-жылдын 4-6-июнунда туруксуз аба ырайы күтүлөт

Коом 0

Бишкек, 2-июнь /Кабар/. 2017-жылдын 4-6-июнунда туруксуз аба ырайы күтүлөт. Бул тууралуу ӨКМ басма сөз кызматы билдирди.

Мезгил-мезгили менен жаан жаап, күн күркүрөшү, бийик тоолуу райондордо кар жаашы ыктымал. Айрым жерлерде жаан-чачын катуу жаашы күтүлөт. Кээ бир райондордо батыштан соккон шамалдын ылдамдыгы секундасына 17-22 метрге жетиши күтүлөт. Абанын күндүзгү температурасы төмөндөп: дыйканчылык аймактарында 20…25°, тоолуу райондордо 7…12°, бийик тоолуу жерлерде 0…5° жылуу болушу күтүлөт.

Мындай туруксуз аба ырайы автоунаа, энергетика жана коммуналдык кызматтардын ишин жана жайыттарда малды кармоону кыйындатат.

2017-жылдын 4-6-июнунда абанын температурасынын жогорулашына жана күтүлүп жаткан нөшөрлүү жаан-чачынга байланыштуу республиканын дарыяларында суунун дэңгээли көтөрүлүшү күтүлөт. Суу жээктерин жууп кетүү жана дарыялардын нугуна жакын аймактарындагы жайылма тилкелерди суу каптоосу ыктымал. Тоолуу жана тоо этектериндеги райондордо сел жүрүшү мүмкүн.

Пикир

Оставить комментарий