Бишкек, 01.11.18. /Кабар/. 2019-жылы ажылыкка барууну каалагандарды каттоо бир гана биометрикалык паспорт менен жүргүзүлөт. Бул тууралуу муфтияттын басма сөз кызматы билдирет.
Маалыматка ылайык, Кыргызстан мусулмандарынын диний башкармалыгы 2019-жылдагы ажылык иштерине даярдыктарды көрө баштаган.
“Ажылык иштерин электрондоштуруу максатында биометрикалык паспорт колдонуу замандын талабы болууда. Ага ылайык, 2019-жылдан тарта ажылык сапарына барууну каалаган жарандарга биометрикалык паспорттун негизинде каттоо жүрө тургандыгын эскертип, биометрикалык паспорт алууга чакырабыз”, - деп айтылат маалыматта.
Пикир
Оставить комментарий