• 84.45
  • 88.96
  • 1.37

2021-жылы Өзбекстанда Кыргызстандын маданият күндөрү өтөт

1186 кароо Маданият 0

Бишкек. 29.03.21. /Кабар/. 2021-жылы Өзбекстанда Кыргызстандын маданият күндөрү өтөт. Бул тууралуу “Кабар” агенттигине КРнын маданият, маалымат, спорт жана жаштар саясаты министри Кайрат Иманалиев 25-26-мартта Ташкентте өткөн КР менен ӨРнын өкмөттөр аралык кеңешинин 9-жыйынынын жыйынтыгы тууралуу айтып жатып билдирди.

“11-мартта КР президенти Садыр Жапаровдун Өзбекстанга мамлекеттик иш сапары учурунда биз ӨРнын маданият министри менен 2021-2023-жылдарга маданият жаатындагы пландар тууралуу келишимге кол койгонбуз. Мындан тышкары, спорт жана жаштар саясаты боюнча меморандумга кол коюлган. Бул жолу биз аталган пландарды ишке ашырууну талкууладык. Өзбекстандык кесиптешим менен ушул жылдын сентябрь айында Өзбекстанда КРнын маданият күндөрүн өткөрүүгө макулдаштык”, - деди ал.

Маданият министри сентябрда маданият күндөрүнүн алкагында Өзбекстанда чоң иш-чара өткөрүү пландалып жатканын билдирди. Атап айтканда, чоң программадагы саякат күтүлүүдө, ошондой эле Өзбекстандагы Чоң театрга гастроль да пландаштырылууда.

“Биз Ташкентте А.Малдыбаев атындагы опера жана балет театрынын жана А.Абдымомунов атындагы кыргыз драма театрынын гастролу болот деп график түзгөнбүз. Мындан тышкары, май айынан тартып Өзбекстан менен чектешкен – Ош, Баткен жана Жалал-Абад облустарынын драма театрлары жана филармониялары Өзбекстандын Андижан, Наманган жана Фергана облустарына гастролдоп чыгуусу пландаштырылууда”, - деп түшүндүрдү ал.

Мындан тышкары, Иманалиев июнда эгемендиктин 30 жылдыгына карата Бишкек жана Ташкент шаарларында бирдиктүү концерттер өткөрүлөрүн айтты.

“Кино күндөрүн да ушул жылы өткөрөбүз”, - деп кошумчалады ал.

К.Иманалиев Кыргызстанда Өзбекстандын маданият күндөрүн өткөрүү 2022-жылга пландалганын белгиледи.

Пикир

Оставить комментарий