Бишкек, 15.10.17 /Кабар/. 5 жыл аралыгында Кыргызстанда мектеп окуучуларынын саны 16% жогорулаган,-деп билдиришти Билим берүү министрлигинин басма сөз кызматынан.
Маалыматка ылайык, азыркы учурда Кыргызстандын мектептеринде 1 млн 175,8 миң бала билим алат.
Шаардагы мектеп окуучуларынын санынын көбөйүшү 25%, айылдарда 12% түзөт.
Өлкө боюнча жалпы мектептердин саны – 2236 билим берүү мекемеси.
Ар бир балага билим берүүнүн жеткиликтүүлүгүн камсыз кылуу максатында 2012-2017-жылдар аралыгында өлкө боюнча 323 мектеп курулган.
Ведомстводон кабарлашкандай, ар кандай сабактарды тереңдетип окуткан мектептердин санынын жогорулашы байкалган – 328ден 2012-2013 окуу жылынан бүгүнкү күнгө чейин 409ду түзгөн.
Пикир
Оставить комментарий