Бишкек, 13-апрель /Кабар/. Талас райондук прокуратурасы мас абалындагы мугалимдин 6-класстын окуучусун сабагандыгын аныктады. Бул тууралуу Башкы прокуратуранын басма сөз кызматы билдирди.
Райондун прокуратурасы тарабынан 2017-жылдын 16-мартында 16:00 чамасында Б.М. мас абалында Т.Б.ны бир нече ирет башка урган. Соттук-медициналык экспертизанын бүтүмүнө ылайык, Т.Б. ден соолугуна жеңил зыян келтирилген.
2017-жылы 27-мартта райондун прокуратурасы тарабынан текшерүүлөрдүн жыйынтыгы боюнча Б.М. карата Кыргыз Республикасынын Кылмыш кодексинин 161-беренесине (жашы жете электерди тарбиялоо милдетин аткарбоо) ылайык кылмыш иши козголгон.
Учурда кылмыш иши Талас райондук ИИБ тергөө бөлүмүнө өткөрүлүп берилди.
Пикир
Оставить комментарий