Бишкек, 13.01.20. /Кабар/. Биздин 2020-жылдагы башкы максатыбыз – өлкө экономикасын санариптештирүү. Бул тууралуу салык жана бажы процедураларын санариптештирүү боюнча координациялык кеңештин отурумунда өкмөт башчы Мухаммедкалый Абылгазиев билдирди.
Анын айтымында, 2019-жылы салык жана бажы процедураларын фискалдаштыруу боюнча көп маселелер каралып, анын ичинде мыйзам кабыл алынган.
Ал белгилегендей, ишкерлер салыктарды электрондук түрдө жүргүзө баштады. 2020-жылга карата экономиканы санариптештирүү маселеси турат.
"Бул деген мыйзамдын негизинде бизнес жүргүзүү, ал үчүн баардык шарттарды түзүү дегенди билдирет. Башкача айтканда, башкы максат – бизнесмендер үчүн жөнөкөй процедураларды түзүү", - деди ал.
Пикир
Оставить комментарий