Бишкек, 19.02.21. /Кабар/. Кыргыз-казак чек арасындагы "Ак-Тилек" көзөмөл-өткөрүү бекетинде 100гө чукул жүк ташуучу унаа турат. Бул тууралуу УКМКнын Мамлекеттик чек ара кызматынан билдиришти.
Казак тараптын маалыматына ылайык, "Карасу" өткөрүү бекетиндеги текшерүү-инспекциялык пунктундагы мүчүлүштүктөргө байланыштуу жүк ташуучу унаалардын өтүүсү жайлап калган.
Мындан улам саат 15:00гө карата кыргыз-казак чек арасындагы "Ак-Тилек" көзөмөл-өткөрүү бекетинде 100гө чукул жүк ташуучу унаа токтоп турат.
Чек ара кызматы кыргыз тараптан жүк ташуучу унааларга карата чектөө коюлбаганын белгилейт. Кыргыз-казак чек арасынын башка көзөмөл-өткөрүү бекетинде унаалардын жана адамдардын топтолушу байкалган жок.
Пикир
Оставить комментарий