Бишкек, 21.06.21. /Кабар/. 2021-жылы 19-июнда Бишкекте Баялинов атындагы Жаштар жана балдар китепканасында жайгашкан Бишкек Америкалык Борбору өзүнө англис тилиндеги акысыз программалары, АКШдагы билим берүү жана алмашуу программаларынын мүмкүнчүлүктөрү, ошондой эле жаштар үчүн программалоо жана коддоо боюнча STEAM семинарлары тууралуу маалыматты камтыган Кербен программасын баштады. Бул тууралуу АКШ элчилигинин басма сөз кызматы билдирет.
Маалыматка ылайык, Америка Борборунун Караванынын расмий ачылыш аземинде АКШ элчилигинин пресс-атташеси Нолен Джонсон Баялинов атындагы китепкананын администрациясына жаңы VR (виртуалдык чындык) гарнитураларды тапшырып, бул шайман кийинки муундагы кыргыз инженерлерине жана IT адистерине дем берет деген үмүтүн ортого салды.
“Ар бир кызыктуу саякат кичинекей кадамдан башталат. Америка Кошмо Штаттары кыргыз жаштарынын ийгиликке жетүүсүн жана алардын жаркын акыл-эси менен экономиканын өсүшүнө түрткү берүүсүн каалайт жана бул VR гарнитуралар биздин баардыгыбызга билим берүү мүмкүнчүлүктөрүн камсыз кылууга болгон умтулуубуздун символу болуп саналат”,-деди ал.
Мындан тышкары, “Бишкек Кербенинин” иш-чаралары Баялинов атындагы китепканада 26-июнь, 3, 10 жана 17-июль күндөрү саат 15:00дөн саат 18:00гө чейин өткөрүлөт. Бул сабактардын бардыгы викториналар, оюндар жана сыйлыктар менен коштолот. COVID-19 пандемиясынын айынан быйыл Караван иш-чаралары негизинен имараттын сыртында орун алат жана алдын-ала каттоодо тургандар үчүн гана болот. Бет каптар жана тазалоочу каражаттар берилет.
Караван иш-чарасынын коноктору АКШ элчилигинин Китеп которуу программасы тарабынан которулган кыргыз тилиндеги китептерде америкалык авторлор жөнүндө маалымат ала алышат.
American Spaces Caravan программалары жергиликтүү жамааттарга Америка маданияты, англис тили жана билим алуу мүмкүнчүлүктөрү жөнүндө билүүгө жардам берет. Сегиз америкалык аятчаларда ресурстардын бардыгы акысыз жана элдин баарына ачык.
АКШнын Кыргызстандагы элчилиги алты жылдан бери Кыргызстандагы Америкалык мейкиндиктердеги жайкы Караван маалыматтык программаларын колдоп келет.
Кербендер – бул жай мезгилинде июнь айынан августка чейин кыргыз жаштарын жана чоңдорун тартуу үчүн жалпы өлкө боюнча маалымат берүү иш-чаралары, анда Америкалык мейкиндиктин программалары жана ресурстары чагылдырылган.
Биринчи Кербен 2015-жылы башталып, АКШнын Кыргызстандагы элчилигинин жергиликтүү китепканалар, ЖОЖдор жана Кыргыз Республикасынын Маданият министрлиги менен биргеликте ийгиликтүү кызматташуу долбооруна айланган.
Иш-чарага катышууну каалагандар төмөнкү дарек аркылуу байланышса болот.
U.S. Embassy Kyrgyz Republic Press Service 171 prospect Mira Bishkek 720016 Kyrgyz Republic Tel.: +996 (312) 597-000 Fax:+996 (312) 597737 E-mail:BishkekPAS@state.gov Internet: http://kg.usembassy.gov
Пикир
Оставить комментарий