Бишкек, 15.12.21. /Кабар/. Министрлер кабинетинин төрагасы Акылбек Жапаров Бириккен Араб Эмиратына жумушчу сапарынын алкагында Дубай шаарынын полициясынын «Smart City» «Акылдуу шаар» борборуна барды.
Министрлер кабинетинин басма сөз кызматынан кабарлашкандай, ал борбордун ишмердүүлүгү жана инновациялык башкаруу системасы менен таанышты.
Министрлер кабинетинин башчысы «Smart City» борборунун алдыңкы тажрыйбасын изилдөөнүн маанилүүлүгүн белгилеп, коомдук тартипти жана жарандардын, ошондой эле өлкөгө келген туристтердин коопсуздугун камсыздоонун артыкчылыгын белгиледи.
Пикир
Оставить комментарий