• 80.28
  • 84.36
  • 1.24

Акылбек Жапаров Талас шаарындагы вирусологиялык лабораториянын ачылышына катышты

Өкмөт 0

Бишкек, 22.01.22. /Кабар/. КР министрлер кабинетинин төрагасы Акылбек Жапаров Талас облусуна жумушчу сапарынын алкагында COVID-19 аныктоочу вирусологиялык лабораториянын ачылышына катышты. Бул тууралуу министрлер кабинетинин басма сөз кызматы билдирет.

Лабораторияны кыдыруу учурунда белгиленгендей, заманбап ПЧР-лаборатория алдыңкы жабдуулар менен камсыздалып, суткасына 800 чейин анализди талдап чыгууга даяр.

Министрлер кабинетинин төрагасы белгилегендей, мындай лабораториялар республиканын бардык аймактарында ачылышы керек.

Өз кезегинде Талас шаарынын тургундары жана лабораториянын кызматкерлери вирусологиялык лаборатория ишке берилген соң, COVID-19 дартын аныктоо оңой болорун билдиришти, анткени буга чейин анализдер Бишкекке жөнөтүлүп турчу. Буга байланыштуу коронавирус инфекциясын аныктоо ыкчамдыгы төмөн саналчу.

Ошондой эле жакын арада лабораториянын профили башка бир катар лабораториялык иликтөөлөрдү жүргүзүү боюнча кеңейтилээри белгиленди.

Пикир

Оставить комментарий