• 84.78
  • 102.21
  • 1.15

"Ала-Тоо" аянтында референдум жана президенттик башкаруу формасына "макул" деген флешмоб өттү

Коом 0

Бишкек, 04.01.21. /Кабар/. Бишкектеги "Ала-Тоо" аянтында референдум жана президенттик башкаруу формасына "макул" деген флешмоб өттү.

Флешмобго 120-150дөй адам жана үгүт сөздөр илинген унаалар катышты.

Иш-чаранын катышуучулары референдумга жана президенттик башкаруу формасына макулдугун билдирип, үгүт сөздөрүн айтышты.

"10-январда өлкөдөгү башкаруу формасын тандоо боюнча референдум өтөт. Өлкөнүн тагдырына кайдыгер карабасаңыз референдумга катышыңыз. Өлкө үчүн жоопкерчиликти өз колуңузга алыңыз. Өлкөнүн туруктуулугу жана гүлдөп-өнүгүшү үчүн президенттик башкаруу формасына добуш бериңиз. Күчтүү президент – күчтүү мамлекет", - деп иш-чаранын катышуучулары айтышты.

Эскерте кетсек, референдумда өлкөнүн башкаруу формасын тандоо боюнча маселе көтөрүлөт:

- президенттик башкаруу;
- парламенттик башкаруу;
- бардык варианттарга каршы.

Пикир

Оставить комментарий