Бишкек. 20.02.19 /Кабар/. Алай районунда 4 метр тереңдиктеги аңга түшүп кеткен жаран куткарылды. Бул тууралуу ӨКМдин маалымат кызматы кабарлады.
Бүгүн саат 11:54 чамасында Гүлчө айылынында турак үйдүн короосунда 40 жаштагы А.А. аттуу жаран кудук казып жатып, төрт метр тереңдиктеги аңга түшүп, үстүн шагыл басып калган.
Үч мүнөттүн ичинде кырсык болгон жерге 5 куткаруучу жана фельдшер барган.
Кудуктун ичи тар болгондуктан, бир куткаруучу ичине түшүп, жабырлануучунун үстүн басып калган кум-шагылды чака менен сыртка алып чыгып, кылдаттык менен тазалаган.
Саат 15:36 кудуктун ичиндеги адамды сыртка чыгарышып, тез жардам кызматкерлерине өткөрүп беришти. Жарандын абалы туруктуу.
Пикир
Оставить комментарий