Бишкек, 28.09.20. /Кабар/. Аламүдүн районунда жол кырсыгы катталып, 2 адам жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 27-сентябрь күнү саат 07:00дө Чүй облусунун Аламүдүн районундагы Таш-Мойнок айылында “Субару-Форестер” унаасынын айдоочусу рулду башкара албай унаа жолдон чыгып кеткен.
Кырсыктын кесепетинен бир эркек жана бир аял киши жабыркаган.
ӨКМдин куткаруучулары жеткенге чейин тез жардам кызматкерлери жабыркаган адамдарды ооруканага алып кетишкен.
Пикир
Оставить комментарий