Бишкек, 08.02.21. /Кабар/. Чүй облусуна караштуу Аламүдүн районундагы Кара-Жыгач айылында кайрымдуулук иш-чарасы өтүп, айылдагы муктаж үй-бүлөлөргө күнүмдүк керектелүүчү азык-түлүктөр жеткирилип берилди. Бул тууралуу Аламүдүн районунун баш имам хатиби Абдурахман ажы Анаркулов билдирди.
Анын айтымында аталган кайрымдуулук иш-чара Кара-Жыгач айылынын имамы Таиржан ажы Ибрагимовдун демилгеси менен ишке ашып, ага кайрымдуу айыл тургундары демөөрчүлүк кылышкан.
Иш-чара алкагында жалпысынан 60 миң сом каражат топтолуп, ага күнүмдүк турмушка керектелүүчү ун, күрүч, суу май жана башка азык-түлүк алынып, айыл ичиндеги колу жука 18 үй-бүлөгө тапшырылды.
Пикир
Оставить комментарий