Бишкек, 3-май /Кабар/. Бүгүн, 3-майда Жогорку Кеңештин жыйынында “Аскер кызматчыларын пенсия менен камсыз кылуу жөнүндө” мыйзамга өзгөртүүлөрдү киргизүү тууралуу” мыйзам долбоору 3-окууда каралды. Бул тууралуу ЖК басма сөз кызматы билдирди.
Демилгечилер – Жогорку Кеңештин депутаттары Исмаилова А.Ж., Асылбаева Г.К., Бакчиев Ж.А., Иманалиев К.К., Никитенко Н.В., Самигуллина А.Э., Строкова Е.Г., Субанбеков Б.Ж., Туманбаева Р.М.
3-окуудагы мыйзам долбоорун Социалдык маселелер, билим берүү, илим, маданият жана саламаттык сактоо боюнча комитетинин төрайымы Гүлкан Молдобекова алып чыкты.
«Мамлекеттик пенсиялык социалдык камсыздандыруу жөнүндө» мыйзамга ылайык «Мать-героиня» же «Баатыр эне» ордендери менен сыйланган энелер үчүн пенсияга эсептешүү көрсөткүчүнүн 1000 проценти өлчөмүндө (1000 сом) кошумча төлөп берүү каралган. Аскер кызматчыларынын жана укук коргоо органдарынын кызматкерлеринин ичинен «Мать-героиня» же «Баатыр эне» ордендери менен сыйланган энелер үчүн пенсия менен камсыз кылуу маселеси «Аскер кызматчыларын пенсия менен камсыз кылуу жөнүндө» мыйзам менен жөнгө салынат, бирок мындай жогорудагыдай төлөө каралган эмес. Сунушталган мыйзам долбоордо аскер кызматчыларынын жана укук коргоо органдарынын кызматкерлеринин ичиндеги пенсионер аялдарга карата да тиешелүү кошумчаны төлөп берүү жөнүндө ченемди жайылтуу сунушталат.
Мыйзам долбоору 3-окууда добуш берүүгө жолдонду.
Пикир
Оставить комментарий