Бишкек, 20-апрель /Айжамал Дуйшоева - Кабар/. Атай Өмүрзаков жана анын “Адеми” бий тобу россиялык “Чи-Ли” тобунун клибине тартылышты. Бул тууралуу А.Өмүрзаков Facebook баракчасында билдирди.
Анын айтымында, клип “Одной крови” ырына тартылган. Кечээ клиптин бет ачары болду.
Ошондой эле, “Чи-Ли” тобунун солисти Ирина Забияка соцтармактарда балдардын талантын белгилеп өткөн.
“Биздин видеоклипте өзгөчө балдар тартылышты. Атай Өмүрзаков жана анын “Адеми” жамааты – заманбап бийлер боюнча дүйнөнүн 2 жолку чемпиону, Чехиядагы таланттар шоу долбоорунун жеңүүчүлөрү, чыгармачыл ишмердиги үчүн бүткүл дүйнөлүк “Оскардын” ээлери, ошондой эле, “Британия таланттарды издейт” шоусунун катышуучулары”, - деп жазган ал.
«Чи-Ли” – россиялык музыкалык топ. 2005-жылы негизделген. Топтун туулган күнү 2006-жылдын 18-сентябры (алгачкы дебюттук альбомунун бет ачары болгон күн). Жамааттын алмаштыргыс солисти Ирина Забияка болуп саналат.
Пикир
Оставить комментарий