Бишкек, 29.01.20. /Кабар/. Австралияда коронавирустун жаңы түрүн жуктуруп алгандардын саны 6 адамга жетти. Бул тууралуу Виктория штатынын башкы дарыгери Брэд Саттон билдиргенин РИА Новости жазып чыкты.
Буга чейин 2019-nCoV илдетин 5 адам жуктуруп алганы белгилүү болгон. Алардын төртөө Түштүк Уэльсте болсо бирөө Виктория штатынан катталган.
"Виктория штатында илдетти жуктуруп алган дагы бир адам катталды. Аталган штаттын 60 жаштагы тургуну 23-январда өзүн жаман сезип, ооруканага кайрылган", - деп айтылат маалыматта.
Дарыгердин айтымында, бейтаптын дос-туугандарында да илдеттин белгилери байкалган, бирок текшерүүдө коронавирус оорусу байкалган эмес.
Эскерте кетсек, Кытайда коронавирус илдетине чалдыккандардын саны 5 миң 974 кишиге жетип, 132 адам каза болду.
Пикир
Оставить комментарий