Бүгүн Ош шаарынын айрым аймактарында электр жарыгы өчүрүлөт

Бишкек, 01.10.21. /Кабар/. Бүгүн, 1-октябрда Ош шаарынын айрым аймактарында электр жарыгы өчүрүлөт. Бул тууралуу Ош шаардык мэриясынын басма сөз кызматы билдирет.

Маалыматка ылайык, жарык бүгүнкү пландаштырылган ремонт иштерине байланыштуу саат 9:00дөн 18:00гө чейин төмөнкү аймактарда жок болот: Ош шаарынын Ак-Тилек, Амир-Тимур кичи райондору, Калинин массиви, Орке, Арек, Бирлешкен айылдары, Водозаборный, Иминов, Ленин, Исанов, Ташкент, Курманжан-Датка, Касымбеков, Осмонов (горГАИ айланасы), Мамыров, Атабаев, Садырбаев, Ленинабад, Макаренко, Мамытов, Кабылов, Юнусов, Абжалов, Саргалчаев (тубсанатория айланасы) көчөлөрү, Жаңы-Турмуш участкасы, жаңы автобекет аймагы.