Байге фонду 600 миң сом. Ошто Нооруз майрамынын алкагында ат оюндары өттү

Бишкек, 21.03.23. /Кабар/. Бүгүн, 21-мартта Нооруз майрамынын алкагында Төлөйкөн ипподромунда ат оюндары болуп өттү. Мелдешке Ош облусунун бардык райондорунан жана Ош шаарынан командалар катышты.

Мелдештин жыйынтыгында көк бөрү боюнча 1-орунду Кара-Кулжа районунун командасы, 2-орунду Кара-Суу районунун командасы жана 3-орунду Өзгөн районунун командасы ээледи.

Сыйлык тапшыруу аземине президенттин Ош облусундагы ыйгарым укуктуу өкүлү Зиядин Жамалдинов, Ош шаарынын мэри Бакытбек Жетигенов, Ош облусунун Ат оюндары федерациясынын жетекчилиги, спортчулар жана күйөрмандар катышты.

Белгилей кетсек, мелдештердин байге фонду болжол менен 600 миң сомду түзүп, анын ичинен 150 миң сом көк бөрү боюнча 1-орунга ээ болгон командага ыйгарылды.