Бишкек, 01.10.21. /Кабар/. “Бакай-Ата” конушу борбордук канализацияга кошулат. Бул тууралуу Бишкек шаардык мэриясынын басма сөз кызматы билдирет.
Маалыматка ылайык, “Бакай-Ата” жаңы конушунда канализациялык насостук станцияны орнотуу менен канализациялык тармак курула баштады.
“Борбордук канализация тутуму конуштун борбордук көчөсүнөн өтүп, келечекте үйлөр дагы ага туташтырылат”, - деп айтылат маалыматта.
Курулуштун жалпы узундугу 4,2 километрди түзөт жана иштер план боюнча 2022-жылдын аягына бүткөрүлөт.
Курулуш иштерин сынактан утуп чыккан “Усен-Аман” курулуш компаниясы жүргүзүүдө.
Белгилей кетсек, каржылоо булагы шаардык бюджет болуп саналат.
Пикир
Оставить комментарий