Бишкек, 20.02.19. /Кабар/. Бакытбек Дүйшөмбиев “Бишкексууканал” ишканасынын жетекчиси болуп дайындалды. Тиешелүү буйрукка Бишкек шаарынын мэри Азиз Суракматов кол койгон. Бул тууралуу борбордук муниципалитеттин басма сөз кызматынан маалымдашты.
Буга чейин ал Бишкек шаарынын вице-мэри кызматын ээлеп, шаар куруу тармагын көзөмөлдөөчү. Ишкананын мурунку жетекчиси Асылбек Исаев өз каалоосу менен кызматынан кеткен.
Дүйшөмбиевдин милдетин убактылуу турак жай жана коммуналдык чарба тармагын көзөмөлдөөчү вице-мэр Рыспек Сарпашов аткарат.
Пикир
Оставить комментарий