Баткендин облустук прокурорунун денесин өрттөп, башына атышкан – анын өлүмүнүн чоо-жайы аныкталды

Коом 0

Бишкек, 29.11.18. /Кабар/. Бүгүн “Кабар” агенттигинде маалымат жыйыны өтүп, анын жүрүшүндө Башкы прокуратуранын ыкчам-издөө ишмердүүлүгүн жана тергөөнү тескөө башкармалыгынын башчысы Замир Бейшекеев Баткен облусунун прокурору Анарбай Мамажакыповдун өлтүрүлүшү тууралуу кененирээк айтып берди.

Анын айтымында, үстүбүздөгү жылдын 18-ноябрында Баткен облусунун прокурору А.Мамажакыповдун сөөгү табылгандыгы тууралуу маалымат келип түшкөн соң жооптуу жумушчулардан жумушчу топ түзүлгөн. Ал ошо эле күнү башкы прокурордун башкармалыгы алдында окуя болгон жерге барышкан.

Окуя болгон жерге барган жумушчу топ тергөө тобунун жетекчисине жазуу түрүндө көрсөтмө берген.Баткен облусунун капиталдык курулуш башкармалыгынын башчысы Мелис Калыков аталган кылмышка шектүү катары кармалып, коргоочу Сатаровдун көзүнчө кылмышты жасаганын мойнуна алып көрсөтмө берген.

“Шектүү өзү жана прокурор Мамажакыпов “Лексус” үлгүсүндөгү унаа менен кетишкенде экөөнүн ортосунда уруш чыгып, ал мушташка айланганын айтып берди. Андан соң алар унааны токтотушуп, мушташты улантышкан. Калыков мергенчи мылтыгын алып чыкканда, күрөш учурунда ал жерге түшүп, прокурордун башына ок атылып кеткен. Мелис Калыков коркуп, чылым чегип өзүнүн күрмөсүн кокустан күйгүзүп алган. Күйүп жаткан бушлатын прокурорду өлүгү тарапка таштап койгон. Анын кесепетинен сөөк күйүп кеткен. М.Калыков аябай мас абалда болгон”, - деди прокурор.

Шектүүнүн жана өлтүрүлгөн адамдын болжолдуу маршруту

Башкы прокуратуранын кызматкери билдиргендей, өлтүрүлгөн жана шектүү адамды кошкондо 8 адам “Лексус” жана “Нива” үлгүсүндөгү унаалар менен мергенчиликке чыгышкан.

“Толкун суу сактагычынан алыс эмес жерде бул эки унаа кафенин жанына токтошкон. Алардын баары эшикте болуп, өздөрүн токтоо алып жүрүшкөн. Бир убакта Калыков “Лексустун” рулуна отуруп кетип калган. Биздин жумушчулар ошол жерде калышып, эмне болгонун дагы түшүнүшкөн эмес. “Нивага” баары батышпай тургандыктан алар дагы бир унааны чакырышкан, ошол эле учурда Мамажакыповду да издешкен. Ошол убакта “Лексус” жолдон чыгып, унаада чыр чыккан. Андан алыс эмес жерде прокурордун 80 пайыз күйүп калган сөөгү табылган”, - деди прокуратуранын кызматкери.

Ошондой эле ал Калыков кылмыш изин жашыруу үчүн маршруттан чыгып кеткендигин белгиледи.

Бейшекеевдин айтымында, андан кийин кармалган адамдын мойнуна алып көрсөтмө берүүсүнөн кийин буюмдата далилдер алынып, жарандардан күбөлүк көрсөтмөлөр алынган. Андан сырткары Мелис Калыковдун өлтүрүүг тиешеси бар болгондугун көрсөткөн башка далилдер табылган.

Белгилей кетсек, буга чейин ЖМКда шектүү адам укук коргоо органдары тарабынан коркутуулар болуп жатканын айтып даттангандыгы тууралуу маалымат тараган. Ал милиция кызматкерлери кылмышты мойнуна алдыруу үчүн аны түнү бою сабашканын айткан. Ошол эле күнү бул маалыматты ИИМден четке кагышкан.

“Мелис Калыковду райондук ички иштер бөлүмүнүн имаратына жеткирүүдөн мурун ал медициналык текшерүүдөн өткөн жана ага карата соттук-медициналык экспертиза дайындалган. Текшерүү учурунда анын денесинде тактар болгон. Калыков дарыгерлерге бул жаракаттарды прокурор менен мушташкан учурда алганын айтып берген. Андыктан кармалган адамды кыйнап, сабашкандыгы тууралуу маалымат чындыкка туура келбейт жана кылмыш жоопкерчилигинен качууга аракет катары бааланат”, - деди Бейшекеев.

Прокуратура кызматкерлеринин аталган кылмышка тиешеси бар же жок экендиги текшерилип жатат. Текшерүнүн жыйынтыгы менен бардык катышуучуларга тиешелүү юридикалык баа берилет.

“Буга чейин каза болгондун орун басары Арслан Байбосунов бул киши өлтүрүүнү уюштурган деген маалымат тараган. Бул маалыматтар прокуратуранын бардык кызматкерлерин суракка алуу менен текшерилген. Учурда бул маалымат тастыкталган эмес”, - дейт прокурор.

Көзөмөл органынын өкүлүнүн айтуусунда, Калыковдун айтымына караганда, прокурор бир нече жолу анын ишин текшерген. Мунун баары өлтүрүүгө себеп болгон.

ИИМдин тергөө кызматынын орун басары Нурлан Утемисов белгилегендей, каза болгон жана шектүү менен ошол күнү болгон адамдар аныкталган. Алар Баткен облусунун прокурорунун орун басары Арслан Байбосунов, Баткен облусунун прокурорунун орун басары Эмилбек Ажибеков, Баткен облустук прокуратурасынын бөлүм башчысы Алтынбек Кожоназаров, Баткен облустук прокуратурасынын бөлүм башчысы Уланбек Эгембердиев, Баткен облусунун прокурору Мирлан Калыбеков жана борбордук арак-шарап чыгаруучу ЖЧК заводдун Баткен облусу боюнча өкүлү Базарбек уулу Эрнист болуп чыккан.

Бардык аткаминерлер кызматынан төмөндөтүү менен кызмат ордуларынан бошотулган. Учурда бул иш боюнча тергөө уланууда. Эскерте кетсек, Баткен облусунун прокурору Анарбай Мамажакыповдун денеси зордук-зомбулук өлүм белгилери менен 18-ноябрь күнү Баткенде табылган. Аталган кылмышка шектүү деп капиталдык курулуш башкармалыгынын башчысы Мелис Калыков кармалган.

Пикир

Оставить комментарий