Бишкек, 22.04.19. /Кабар/. Жалал-Абад облусунун Базар-Коргон районунун Акман айыл аймагында 19-апрель күнү саат 17:00дөр чамасында 2014-жылы туулган И.Э. аттуу бала дайынсыз жоголгон. Бул тууралуу Өзгөчө кырдаал министрлигинин басма сөз кызматынан кабарлашты.
Маалыматка ылайык, издөө иштерин жүргүзүү үчүн жалпысынан 133 адам тартылган. Анын ичинен: өзгөчө кырдаалдар министрлигинен 40 куткаруучу, ички иштер министрлигинен 28 кызматкер жана 65 адам жергиликтүү тургундар.
Издөө иш-чаралары уланууда.
Пикир
Оставить комментарий