Бишкек, 18.05.20. /Кабар/. Билим берүү жана илим министрлиги 2021-жылга карата бюджет долбоорун коомдук талкууга алып чыкты
Министрлик 2021-жылга карата билим берүү тармагындагы бюджеттик чыгашалардын орто мөөнөттүү стратегиясынын долбоорун даярдады, - деп билдирет министрликтин басма сөз кызматы.
Маалыматка ылайык, документтер өкмөттүн программалык негизде бюджеттөө боюнча токтомун аткаруунун алкагында Кыргыз Республикасынын билим берүүсүн 2040-жылга чейин өнүктүрүү стратегиясын жана Кыргыз Республикасында инклюзивдик билим берүүнү 2019-23-жылдарга өнүктүрүү концепциясын эске алуу менен даярдалды.
Билим берүү тармагынын 2021-жылга бюджети жана 2022-23-жылдарга карата божомолдору Европа Биримдигинин каржылык колдоосу менен иштелип чыкты.
Долбоор коомдук талкуу өткөрүү үчүн министрликтин сайтына жайгаштырылды.
Пикир
Оставить комментарий