Бишкек, 27-апрель /Кабар/. “Бишкек – Кара-Балта унаа жолун реконструкциялоо өзгөчө көзөмөлдө турат”,-деди премьер-министр Сооронбай Жээнбеков Жогорку Кеңеште Өкмөттүн 2016-жылдагы ишмердүүлүгү тууралуу отчет берип жатып.
Ал ошондой эле, Бишкек – Кара-Балта жолун реконструкциялоо учурунда Бишкек жана Кара-Балта шаарларынын ортосунда темир жол каттамы тынымсыз жүрүп турарын эскертти.
Транспорт жана жолдор министри Жамшитбек Калилов бүгүнкү күнгө карата бардык зарыл курулуш техникалары камсыз болгонун жана 45 км аралыктагы “Бишкек – Кара-Балта” унаа жолун реконструкциялоо иштери башталганын билдирди.
“Азыркы учурда жол оңдоочулар тарабынан даярдыктар, курулуш аянттары аныкталып, жерди топографиялык тартуу жана инженердик-техникалык персоналды мобилизациялоо иштери жүргүзүлүүдө”,-деди Ж.Калилов.
Мындан тышкары, Транспорт жана жолдор министри оңдоо иштерин жүргүзүү жана жаңы жол катмарын төшөө учурунда бир тараптуу жол кыймылы иштеп турарын билдирди.
Пикир
Оставить комментарий