Бишкек, 15.03.18. /Кабар/. ӨКМдин басма сөз кызматынан кабарлашкандай, учурда Бишкек-Ош унаа жолу толугу менен жабык. Унаа жолдун 246-чакырымына түшкөн кар көчкүнү тазалоого жалпы 7 техника тартылып иштеп жатат.
Учурда “Сосновка” постунда 120 оор жүк ташуучу, 20 жеңил унаа, “Арал” постунда 24 оор жүк ташуучу, 89 жеңил унаа, Талас районунун Талды-Булак айылында 11 оор жүк ташуучу, 7 жеңил унаа кезекте турат.
Андан тышкары, Бишкек-Ош унаа жолунун 198-чакырымындагы “Өтмөк” ашуусуна бурулган жерде 110 оор жүк ташуучу унаа турат.
Эске сала кетсек, 2018-жылдын 13-мартында болжол менен саат 22:40 чамасында Бишкек-Ош унаа жолунун 246-чакырымына кар көчкү түшкөн. Анын кесепетинен Бишкек-Ош унаа жолу эки тараптан тең толугу менен каттам үчүн жабылган. Азырынча унаа жол качан ачыла тургандыгы жөнүндө маалымат жок.
Алдын ала маалымат боюнча кар көчкүнүн кесепетинен жабыркагандар жок.
Пикир
Оставить комментарий