Бишкек, 15.04.20. /Кабар/. Бишкек шаарында коменданттык сааттын убактысы өзгөртүлдү. Бул тууралуу өкмөт үйүндөгү маалымат жыйында Бишкек шаарынын коменданты Алмазбек Орозалиев билдирди.
Орозалиев өзүнүн сөзүндө өзгөчө абал тартибинин мөөнөтү 30-апрелге чейин узартылганын эскертип өттү.
"15-апрелден тарта Бишкек шаарында коменданттык саатын убактысы кыскартылып, анын убактысы кечки саат 21:00дөн эртең мененки саат 06:00гө чейин деп белгиленди", - деди ал.
Эскерте кетсек буга чейин коменданттык сааттын убактысы 20:00-07:00 сааттар арасы деп белгиленген.
Белгилей кетсек, Кыргызстандын Бишкек, Ош, Жалал-Абад, Нарын шаары жана Ноокат, Кара-Суу, Сузак райондорунда коронавируска байланыштуу киргизилген өзгөчө абал режими 30-апрелге чейин узартылды. Ошондой эле өзгөчө абал режими 30-апрелге чейин Нарын шаары жана Ат-Башы районунда киргизилди.
Пикир
Оставить комментарий