• 84.81
  • 101.79
  • 1.14

Бишкек ЖЭБин модернизациялоо иши: Соттук отурум уланууда

Укук тартиби 0

Бишкек, 06.11.19./Кабар/. Бүгүн Бишкектин Свердлов райондук сотунда Бишкек Жылуулук электр борборун (ЖЭБ) модернизациялоо иши боюнча ачык соттук отурум өттү. Сотто Инара Гилязетдинова төрагалык кылууда.

Отурум айыпталуучулар келтирген бир катар өтүнүчтөр менен башталды, алардын ичинде эксперттер Г.Асанов жана Е.Хафизовду суракка чакыруу өтүнүчү да бар. Бүгүнкү отурумда айыпталуучулардын бири, мурдагы энергетика министри Осмонбек Артыкбаевден сурак алуу уланат.

Эскерте кетсек, эксперттердин тыянагы боюнча “Бишкек ЖЭБин модернизациялоо” долбоорун даярдоо, кол коюу жана ишке ашыруудагы коррупция фактысынан мамлекетке 5 млрд. 439 млн. сом көлөмүндөгү зыян келтирилген.

Мындан улам, мурунку премьер-министр Сапар Исаков, экс-премьер-министр Жантөрө Сатыбалдиев, ЖКнын депутаты Осмонбек Артыкбаев, Улуттук энерго холдингдин мурунку башчысы Айбек Калиев, “Электр станциялары” ишканасынын мурунку башкы директору Салайдин Авазов, Улуттук энерго холдингдин башчысынын мурунку орун басары Жолдошбек Назаров, Бишкек ЖЭБин модернизациялоо башкарма тобунун директору Темирлан Бри

мкулов жана мурунку финансы министри Ольга Лавроваларга кызмат абалын кыянаттык менен пайдалануу жана коррупция боюнча айып тагылууда.

Пикир

Оставить комментарий