• 81.57
  • 79.55
  • 1.36

Бишкекте 5G технологиясы боюнча биринчи сыноо өттү

285 кароо Коом 0

Бишкек, 08.08.22. /Кабар/. Санариптик өнүктүрүү министрлигине караштуу Байланыш тармагын жөнгө салуу жана көзөмөлдөө кызматы уюлдук операторлорго 5G технологиясын сыноого уруксат берди.

Санариптик өнүктүрүү министрлигинен билдиришкендей, 5G технологиясын киргизүү заманбап технологияларды жана жалпысынан коммуникация инфраструктурасын өнүктүрүүгө жаңы дем берет. 5G технологиясын киргизүү керектөөчүлөргө маалыматтарды алмашууда ылдамдыгын жогорулатып жана берилген трафиктин көлөмүн кеңейтүүсү күтүлүүдө.

5G технологиясын киргизүү үчүн шарттарды камсыздоо үчүн Байланыш кызматы учурдагы радиоэлектрондук жабдуулардан жыштык тилкелерин чыгаруу боюнча иштерди жүргүздү жана 5Gди сыноо үчүн пилоттук жыштыктарды аныктады.

Бүгүнкү күндө тестирлөөгө уруксат алган уюлдук операторлор Бишкектин аймагында 5G технологиясы боюнча биринчи сыноосун өткөрүштү. Жакында Кыргызстандын жашоочулары 5G технологиясын пайдаланып, жаңы бешинчи муундагы технологиялардын бардык артыкчылыктарын баалай алат.

Пикир

Оставить комментарий