• 84.8
  • 95.95
  • 1.15

Бишкекте казак акыны Абай Кунанбаевдин, Нур-Султанда Манастын айкели орнотулушу мүмкүн

Коом 0

Бишкек, 20.10.21. /Кабар/. Бишкек шаарынын мэри Айбек Жунушалиев Казакстандын Кыргызстандагы элчиси Рапил Жошыбаев менен жолукту. Бул тууралуу шаардык муниципалитеттин басма сөз кызматынан билдиришти.

Маалыматка ылайык, тараптар эки тараптуу мамилелерди, ошондой эле эки өлкөнүн муниципалитеттеринин деңгээлинде түрдүү тармактардагы кызматташтыкты арттыруу маселелерин талкуулашты.

Казакстандын элчиси Бишкек шаарынын мэриясына Казакстан Республикасынын маданият күндөрүн Бишкек шаарында өткөрүүгө көрсөткөн жардамы үчүн ыраазычылык билдирди.

Ал ошондой эле Нур-Султан шаарындагы Кыргыз Республикасынын маданият күндөрүндө ар тараптуу жардам көрсөтөрүн белгиледи.

Ошондой эле тараптар Бишкек шаарында казак акыны Абай Кунанбаевдин эстелигин жана Нур-Султан шаарында кыргыз эпосунун баатыры Манастын айкелин орнотууну талкуулашты.

Бишкектин мэри менен казак элчиси эки өлкөнүн достук мамилелерин өнүктүрүү жана чыңдоо эки тарап үчүн тең маанилүү экенин белгилеп, мындан ары өз ара пайдалуу кызматташууга ишенимин билдирди.

Пикир

Оставить комментарий