Бишкекте “I’m Nomad” жаштар форуму башталды

Бишкек, 22.06.18. /Кабар/. Бишкекте III Дүйнөлүк көчмөндөр оюндарын колдоо максатында жаштардын "I am Nomad" ("Мен көчмөнмүн") аттуу форуму башталды.

Иш-чаранын уюштуруучулары III Дүйнөлүк көчмөндөр оюндарын уюштуруу жана өткөрүү боюнча катчылыгы, активисттер жана КРнын шоу-бизнес өкүлдөрү.

Бүгүнкү форум баарлашуу түрүндө өтүп, коноктор өздөрү кызыккан суроолорду узатышууда.

Катчылыктын өкүлү Алтынай Эмилбекова иш-чаранын максатын түшүндүрүп, жаштарды быйыл өтө турган көчмөндөр оюнун активдүү колдоого чакыруу экенин айтты.

Белгилей кетсек, үчүнчү Дүйнөлүк көчмөндөр оюндары 2-сентябрда Ысык-Көлдө башталат.