Бишкекте ӨКМге авариялык-куткаруучу автоунааларды салтанаттуу тапшыруу өтүүдө

Бишкек, 30.08.18. /Кабар/. Бишкекте Өзгөчө кырдаалдар министрлигине авариялык-куткаруучу автоунааларды салтанаттуу тапшыруу өтүүдө.

“Nissan hardbody” үлгүсүндөгү 22 автоунаа бекер берилди. Бул унаалар иш жүргүзүү үчүн куткаруучу жабдыктар менен камсыздалган.

Андан сырткары Өзгөчө кырдаалдар министрлигинин потенциалын жогорулатуу максатында 2 миллион 321 миң 400 сомго өрт-куткаруучу жабдыктар менен камсыздоо боюнча бир катар иш-чаралар жүргүзүлүп жатат. Ошондой эле 13 миллион 807 миң 550 сомго өрт өчүргүчтөргө атайын кийим сатып алуу боюнча иштер жүрүүдө. Министрликтин бардык жеке курамы 18 миллион 600 миң сомго мекемелик формалык кийим менен камсыз болот.