Бишкек, 20.11.20. /Кабар/. Бишкекте Конституциялык кеңешменин биринчи жыйыны өтүүдө.
Комиссиянын төрагасы Бекбосун Бөрүбашев билдиргендей, жыйын үч негизги секцияга бөлүнөт. Алар:
• Конституциялык түзүлүштүн негизи: бул жерде жергиликтүү бийликке байланыштуу бөлүмдөр дагы каралат. Урмат Амандиев секциянын башчысы, Канат Осмоналиев анын орун басары болду;
• Жарандардын укуктарын жана эркиндиктерин коргоо: Нурлан Шерипов секциянын башчысы, Темирбек Нурматов анын орун басары болду;
• Бийлик органдары. Болот Токтобаев секциянын башчысы, Чынара Ботобаева анын орун басары болду.
Бөрүбашев кошумчалагандай, секциялардын башчылары - юристтер, бирок Конституциялык кеңешменин курамында экономисттер, философтор жана башкалар бар.
"Секциялар күн сайын эртеден кечке чейин уланат. Жумасына эки жолу пленардык жыйын болот", - деди ал.
Эскерте кетсек, 17-ноябрь күнү Жогорку Кеңештин депутаттары Конституциянын жаңы долбоорун коомдук талкууга чыгарган.
Пикир
Оставить комментарий