Бишкек, 07.05.22. /Кабар/. 2022-жылдын 5-7-май күндөрү Бишкек шаарында Кыргызстандын жана Өзбекстандын өкмөттүк делегацияларынын жумушчу топторунун кыргыз-өзбек мамлекеттик чек арасын демаркациялоону уюштуруу жана укуктук маселелерин макулдашуу боюнча жолугушуусу болуп өттү. Бул тууралуу КР министрлер кабинетинин басма сөз кызматынан билдиришти.
Маалыматка ылайык, тараптар кыргыз-өзбек мамлекеттик чек арасын демаркациялоо процессин жөнгө салуучу ченемдик-техникалык документтердин долбоорлорун талкуулап, макулдашышты.
Жолугушуу достук жана өз ара түшүнүшүү маанайында өттү.
Иш-чаранын жыйынтыгында Протоколго кол коюлду.
Кийинки жолугушуу Өзбекстандын аймагында өтөт.
Пикир
Оставить комментарий