Бишкек, 25.09.18. /Кабар/. Бишкекте Үсөнбаев көчөсүнүн бир бөлүгү убактылуу жабылат. Бул тууралуу мэриянын басма сөз кызматы билдирди.
Анын маалыматына ылайык, 26-сентябрдан баштап Үсөнбаев көчөсүнүн Киев жана Токтогул көчөлөрүнүн ортосундагы бөлүгү автоунаалардын өтүшү үчүн жабылат.
Күз-кыш мезгилине даярдыктын алкагында бул бөлүктө электр тармагы кайра коюлат.
Иштер берилген буйруктун негизинде “Импульс Ош” компаниясы тарабынан жүргүзүлүп, 15-ноябрга чейин уланат.
Бишкек шаарынын мэриясы шаар тургундарынан жаралган ыңгайсыздыктар үчүн кечирим сурайт.
Пикир
Оставить комментарий