Бишкек, 08.01.20. /Кабар/. Бишкекте машыктыруучу Владимир Анкудиновдун элесине арналган өспүрүмдөр арасында волейбол боюнча өлкө биринчилиги болуп өттү. Бул тууралуу Волейбол федерациясынан билдиришти.
Мелдеш 4-6-январь күндөрү Бишкектеги №62 мектепте өткөрүлдү.
Алтын медаль үчүн 2002-2003-жылкы балдардан куралган 8 команда күч сынашты. Мелдештин жыйынтыгында биринчи орунду "Салам-Алик" командасы жеңип алды.
Экинчи орунга "Тоң" курама командасы, коло медалга балдар жана өспүрүмдөр арасында спорт мектебинин командасы татыды.
Ал эми кыздар арасында волейбол мелдеши 10-январда башталат.
Пикир
Оставить комментарий