Бишкек, 08.10.18. /Кабар/. Бишкекте өткөн күзгү социалдык жарманкелерге 2 миңдей адам катышты. Бул тууралуу Свердлов райондук администрациясынан билдиришти.
Маалыматка караганда, Бишкекте өткөн дем алыш күндөрү күзгү социалдык жарманкелер өтүп, ага 2 миңден ашуун адам катышкан.
Свердлов районунун муниципалдык администрациясы баалардын, сатуу көлөмүнүн, сатуучунун бардык продукцияга кызыгууларынын көрсөткүчтөрүнүн мониторингин жүргүзгөн.
“Айтматов-Мамбетов көчөлөрүндө күзгү жарманке биринчи ирет өткөрүлдү. Иш-чара аябай ийгиликтүү өтүп, ага Свердлов районунан жана Чүй облусунан 52 ишкер катышты”, - деп билдиришти администрациядан.
Сатуу лидерлери эт, сүт, бал, нан, колбаса азыктары, жер-жемиштер болду.
Жашоочулардын суранычы боюнча жана шаар тургундарын жеткиликтүү баадагы сапаттуу азыктар менен камсыздоо максатында “Аламүдүн-1” кичирайонунда Ауэзов көчөсүндө жана Орозбеков Көчөсүндө ар бир дем алыш күндөрү айыл-чарба жарманкелери өткөрүлөт.
Пикир
Оставить комментарий