Бишкек, 18.05.18. /Кабар/. Бишкекте 26-майда тогуз коргоол боюнча балдар жана кыздар арасында “Улуттун баалуулугу” эл аралык турнири өтөт. Бул тууралуу Bishkek Park соода-оюн зоок борборунун басма сөз кызматы билдирди.
“Бишкек парктын” жана III Дүйнөлүк көчмөндөр оюнунун катчылыгынын колдоосу менен КРнын тогуз торгоол федерациясы иш-чаранын уюштуруучулары катары чыгат.
Оюндар Энелер күнүнө арналат. Анда 8ден 14 жашка чейинки балдар катышат.
Мындан тышкары, III ДКОнун спорттук улуттук оюндар түрү боюнча фестиваль уюштурулат. Анын алкагында армрестлинг, мас-рестлинг, ордо, союл тартыш, тогуз коргоол жана мангал боюнча оюндар жана масстер-класстар өткөрүлөт.
Бардык каалоочулар бүркүтчүлөр жана жаачылар менен эстеликке сүрөткө түшө алышат.
Максаты – улуттук оюндарды таанытуу жана жайылтуу.
Иш-чара Бишкек парк соода борборунда саат 11:00дө башталат.
Кирүү акысыз.
Пикир
Оставить комментарий