• 84.79
  • 100.88
  • 1.1

Бишкекте жасалма номер тагылган Toyota Camry унаасы кармалды

Укук тартиби 0

Бишкек, 07.03.21. /Кабар/. Бишкекте жасалма номер тагылган Toyota Camry унаасы кармалды, - деп билдирет Милициянын кайгуул кызматынын басма сөз кызматы.

Маалыматка ылайык, күн мурун, 6-мартта кайгуул кызматкерлери бөлүнгөн аймакта кайгуул кылып жатып, болжол менен саат 22:20 чамасында Абдрахманов жана Москва көчөлөрүнүн кесилишинен жол эрежесин бузган Toyota Camry үлгүсүндөгү автоунааны токтотушкан.

Кызматкерлер керектүү документтерин текшерүү учурунда 1998-жылы туулган А.А. аттуу айдоочу автоунаасынын мамлекеттик номурун атайын жасалма номурга алмаштырып айдап жүргөндүгү аныкталган. Ошол эле учурда анын айдоочулук күбөлүгү да жок болуп чыккан.

Бул факты боюнча автоунаа убактылуу токтотуучу айып короо жайына токтотулуп, жол эрежесин бузгандыгы жана айдоочулук күбөлүгү жок болгондугу үчүн 2 протокол түзүлгөн.

Ал эми жасалма номур менен жүргөндүгү үчүн айдоочу Биринчи май райондук ИИБнын Тергөө кызматына өткөрүлүп берилди.

Пикир

Оставить комментарий