Бишкек, 20.11.18. /Кабар/. Бишкектеги Матросов көчөсүнүн аймагында эртең, 21-ноябрь күнү таза суу өчүрүлөт. Бул тууралуу мэриянын басма сөз кызматынан кабарлашты.
“Саат 9:00дөн 19:00гө чейин Матросов көчөсүнүн Ахунбаев көчөсүнөн Горький көчөсүнө чейинки аралыгында таза суу берүү убактылуу токтотулат”, - деп айтылат маалыматта.
Өчүрүү иштери кышка карата түтүктөрдү оңдоо иштерине байланыштуу.
“Бишкексууканал” башкармалыгы келтирилген ыңгайсыздык үчүн кечирим сурап, тургундарды таза суу камдап алууларын өтүнүшөт.
Пикир
Оставить комментарий