Бишкек, 13.05.19. /Кабар/. Бишкек-Нарын-Торугарт унаа жолундагы Боом капчыгайында таштарды кулатуу иштери жүргүзүлөт. Бул тууралуу "Кыргыз темир жолу" мамлекеттик ишканасынын басма сөз кызматы билдирди.
Ишканадан билдиришкендей, таштарды кулатуу иштери аталган жолдун 139-чакырымында 13-17-май күндөрү жүргүзүлөт.
"Таштарды кулатуу иштери унаа жана темир жол каттамдарына олуттуу коркунуч жаратат. Андыктан Ички иштер министрлигинин Жол коопсуздугун камсыздоо башкармалыгы 13-17-май күндөрү саат 09:00дөн 15:00гө чейин унаа жолун маал-маалы менен жабып турат ", - деп айтылат маалыматта.
Жолдо 30-40 унаа чогулуп калган учурда таштарды кулатуу иштери токтотулуп, унаалар өткөрүлүп турат.
Эскерте кетсек, таштарды кулатуу иштери күндүзү гана жүргүзүлөт.
Пикир
Оставить комментарий