Бишкек, 27.08.20. /Кабар/. 2020-жылдын 31-августунда Кыргыз Республикасынын Эгемендүүлүк күнүнө карата «Ала-Тоо» аянтында президент Сооронбай Жээнбековдун катышуусунда иш-чара өтөт. Бул тууралуу Маданият, маалымат жана туризм министрлигинин басма сөз кызматы билдирет.
Маалыматка ылайык, учурдагы эпидкырдаалды эске алуу менен иш-чара онлайн форматта өтмөкчү.
«Көрүүчүлөр чакырылбайт. Маданий массалык иш-чаралар жана элдик сейилдөөлөр пландалган жок. Иш-чара республикалык телеканалдар аркылуу көрсөтүлөт», - деп билдиришти Маданият министрлигинен.
Иш-чара саат 10:00дө башталып, 11:00дө аяктайт. Ал эми кечки саат 22:00дө «Ала-Тоо» аянтында Эгемендүүлүк күнүнө карата майрамдык салют атылат.
Пикир
Оставить комментарий