• 89.47
  • 96.56
  • 0.97

CAFA U-23 Women’s Championship: Кыргызстандын футболчу кыздары 4-орунга илинди

Спорт 0

Бишкек, 29.11.19. /Кабар/. Кечээ, 28-ноябрда Тажикстанда кыздар арасында футбол боюнча CAFA U-23 Women’s Championship мелдеши жыйынтыкталды. Бул тууралуу Футбол федерациясынан кабарлашты.

Мелдешке Кыргызстан, Өзбекстан, Иран, Тажикстан, Афганистан жана Түркмөнстандын футболчу кыздары катышты. Биринчиликтин жыйынтыгында 5 оюнда 5 жеңиш топтогон Өзбекстандын командасы биринчи орунга татыды. Күмүш байгени Ирандын курамасы, коло медалды Тажикстандын командасы утушту.

Кыргызстандын курамасы 4 упай топтоп, мелдештин төртүнчү орунуна жайгашты. Алар Афганистандын курамасын жеңип, Тажикстан менен болгон оюнда тең чыгышкан.

Ошондой эле мыкты калыстарга да байгелер берилди. Алардын арасында кыргызстандык Малика Кадырова бар.

Пикир

Оставить комментарий