Бишкек, 14.06.21. /Кабар/. Чүй облустук ички иштер башкы башкармалыгынын кызматкерлери уурулукка шектүүлөрдү кармады. Бул тууралуу облустук милициянын басма сөз кызматы билдирди.
Маалыматка ылайык, 2021-жылы 21-февралда Жайыл райондук милиция бөлүмүнө Новониколаевка айылынын 54 жаштагы тургуну Ж.Т. арызы менен кайрылып, 20-февралдан 21-февралга караган түнү жалпы баасы 70 миң сомду түзгөн 2 баш бодо малын уурдап кеткен белгисиз жарандарга карата чара көрүп берүүнү өтүнгөн.
Ошондой эле 2021-жылы 23-майда райондук милицияга Алексеевка айылынын жашоочусу Т.Н. кайрылып, ушул жылдын 7-майдан 8-майга караган түнү жана 21-майдан 22-майга караган түнү сарайынан 2 музоосун уурдап кеткендерге чара көрүп берүүнү суранган.
Аталган факты Жайыл райондук ИИБдин кылмыштардын жана жоруктардын бирдиктүү реестрине КР Жаза кодексинин 200-беренеси (“Уурдоо”) менен катталып, сотко чейинки өндүрүш башталган.
Чүй облустук жана Жайыл райондук милиция кызматкерлеринин ыкчам-издөө иш-чараларынын жүрүшүндө 23 жаштагы С.Ж. жана 21 жаштагы А.С. кармалып, милиция бөлүмүнө жеткирилген. Азыркы учурда кармалгандардын башка дагы кылмыштарга тийиштиги бар же жогу такталууда.
Сотко чейинки өндүрүш уланууда.
Пикир
Оставить комментарий