Бишкек, 26.04.22. /Кабар/. Үстүбүздөгү жылдын 20-22-апрель күндөрү Чүй облусунун аймагында “Селсаяк” аталышында рейд иш-чарасы болуп өттү. Бул тууралуу Чүй облустук милициясынын басма сөз кызматы билдирет.
Маалыматка ылайык, иш-чарага облус боюнча 320 милиция кызматкери жана 65 жергиликтүү бийлик өкүлдөрү катышты.
Рейддин жүрүшүндө жаш өспүрүмдөр жана туруктуу жашаган жери жок жарандар көп чогулган 210 жай текшерүүгө алынды:
базар жана соода түйүндөрү - 68;
жер төлө жана жылуу түтүктөр өткөн жайлар - 17;
компьютердик клубдар - 66;
башка жайлар - 54.
Жыйынтыгында көчөдө кайырчылык жана селсаяктык кылган 70 жаш өспүрүм аныкталып, алардын ичинен 1 бала социалдык борборго жайгаштырылды.
Андан сырткары, 27 жаш өспүрүмдүн сабакка барбай жатканы такталып, алардын ата-энелери жана жакындары менен биргеликте түшүндүрүү иштери жүргүзүлүп, орто мектептерге жөнөтүлдү.
Рейд учурунда аныкталган жагдайларды жергиликтүү бийлик өкүлдөрү менен биргеликте чечүү үчүн зарыл болгон иштер жүргүзүлүүдө.
Пикир
Оставить комментарий