Бишкек, 25.01.18. /Кабар/. Чүй районунун Чүй айылында жер кыртышындагы суулардын деңгээли көтөрүлүп, суу деңгээлин төмөндөтүү максатында КР ӨКМнен 1 экскаватор тартылып, ачык коллектордук дренаж түйүндөрүн тазалоо иштери жүргүзүлүп жатат. Бул тууралуу Өзгөчө кырдаалдар министрлигинин (ӨКМ) басма сөз кызматы маалымдайт.
Билдирүүгө ылайык, 24-январда Чүй айылындагы Колхозный көчөсүндө ачык типтеги коллектордук дренаждык түйүндүн 420 метр жана Луговая көчөсүндө 180 метр аралыгы тазаланды.
ӨКМден кабарлашкандай, тазалоо иштери бүгүн, 25-январда улантылат.
Пикир
Оставить комментарий