Чүйдө кудукка түшүп кеткен бала куткарылды

Бишкек, 14.06.21. /Кабар/. Чүйдө кудукка түшүп кеткен бала куткарылды, - деп билдирет Өзгөчө кырдаалдар министрлигинин басма сөз кызматы.

Маалыматка ылайык, Токмок шаарынан Шамшы айылына баруучу унаа жолдо 14 жаштагы Р.Н. аттуу бала кудукка түшүп кеткен. Жерине Токмок шаардык №21 ӨКБдан 4 куткаруучу тартылып, баланы кудуктан чыгарышкан.

ӨКМдин басма сөз кызматынан кошумчалашкандай, баланын абалы жакшы.