Бишкек, 23.07.22. /Кабар/. Чүй облусунун капиталдык курулуш башкармалыгынын башчысы С.Жентелиев, аталган облустун Аламүдүн районунун акиминин орун басары Б.Абдугулов Аламүдүн районундагы Таш-Дөбө айыл кенешинин депутаттары жана жашоочулары менен жолугушуп, ичүүчү суу менен камсыз кылуу боюнча түшүндүрүү иштерин жүргүзүштү. Бул тууралуу Мамкурулуш агенттигинин басма сөз кызматы билдирет.
Маалыматка ылайык, жолугушуунун жүрүшүндө жашоочуларга ичүүчү суу менен камсыздоо боюнча жүргүзүлүп жаткан иштер тууралуу түшүндүрмө берилди. Атап айтканда, 2022-жылга бекитилген тизмеге ылайык, "Капиталдык салымдар" беренеси боюнча республикалык бюджеттен Таш-Дөбө айылынын жаңы конушуна суу менен камсыз кылуу ДСД иштеп чыгууга 32 га 1000,0 миң сом каралган.
Бүгүнкү күндө Таш-Дөбө айылынын 32 га жаңы конушунун суу менен камсыз кылуу үчүн Таш-Дөбө айыл өкмөтү тарабынан Чүй аймактык архитектура жана шаар куруу башкармалыгы менен биргеликте долбоорлоо үчүн керектүү документтерди даярдоо киргизилет. Бардык керектүү документтер аяктагандан жана тапшырылгандан кийин Чүй облустук капиталдык курулуш башкармалыгы долбоордук-сметалык документтерди түзүүгө тендер жарыялайт.
Муну менен бирге, Таш-Дөбө айылынын учурдагы суу түтүктөрүн дебет менен камсыз кылуу үчүн скважинаны бургулоого документтерди даярдоо боюнча иштер жүргүзүлүп жаткандыгын белгилей кетүү керек, аны каржылоо Чүй облустук өнүктүрүү фондунан жүргүзүлөт.
Пикир
Оставить комментарий