• 89.47
  • 96.56
  • 0.97

Чүйдө жүк ташуучу унаанын айдоочусу 1-класстын окуучусун коюп кетти

Кырсык 0

Бишкек, 05.12.18. /Кабар/. Чүй облусунун Аламедин районунда 1-класстын окуучусун унаа койдуруп кеткен. Бул тууралуу "Кабар" агенттигине Чүй облустук автоинспекция кызматынан кабарлашты.

Маалыматка ылайык, жол кырсыгы болжол менен саат 12:00дөр чамасында болгон.

"1-класстын окуучусу мектептен чыгып, жөө жүргүнчүлөр өтө турчу жерде турганда оор жүк ташуучу унаа койдуруп кеткен. Кыз окуя болгон жерден каза болгон", - деп айтылат маалыматта.

Ведомстводон кошумчалашкандай, кызды койдуруп кеткен айдоочу Казакстандын жараны болгон, унаа да Казакстан Республикасында каттоого алынган. Айдоочу окуя болгон жерден качып кеткен эмес.

Учурда иликтөө иштери башталды.

Пикир

Оставить комментарий