Бишкек, 15-февраль /Кабар/. Кечээ, 14-февралда Жалал-Абад облусунун Чаткал районунда өзгөчө кырдаал киргизилди. Бул тууралуу ӨКМнын басма сөз кызматы билдирди.
Эскерте кетсек, 2017-жылдын 11-февралынан бери тынбай жааган кардын натыйжасында аталган райондун Каныш-Кыя жана Чаткал айыл аймактарында кардын көлөмү нормадан ашып, бийиктиги 2 метрге чейин жетип, жолдорго кар көчкүлөр тынбай түшүп жаткандыгына байланыштуу, Чаткал райондук мамлекеттик администрациясынын башчысы-акимдин 2017-жылдын 14-февралындагы №29 буйругу менен Каныш-Кыя жана Чаткал айыл аймактарына өзгөчө кырдаал киргизилген.
Пикир
Оставить комментарий